Shillong, Lber 27: Ki ar ngut ki MDC jong ka South West Khasi Hills District, u Bah Hedrian Lyngdoh jong ka UDP u ba dei ruh u Executive Member hapoh jong ka Executive Committee lem bad u Bah Manstudy Nongrem jong ka seng Congress kila phah da ka jingthoh sha u CEM jong ka KHADC u Bah Ardent M Basaiawmoit ban pan na u ba dei ban buh ia ka ophs trei kam jong ka KHADC ha Mawkyrwat.
Da ka jingthaw ia ka District kaba thymmai ki paidbah jong ki ar tylli ki constituency, ka Mawkyrwat bad ka Langrin kila ioh ia shibun ki jingmyntoi ha kaba ia dei bad ki kam sorkar bad ka District Council ruh ka don la ka bynta ha kane ka kam na ka liang jong kine ki ar ngut ki MDC ki kwah ban ka dei ban don ka ophis jong ka KHADC ha Mawkyrwat.
Kine ki ar ngut ki MDC kila kyntu ia u CEM ba un sdang ban shim khia ia kane ka kam da kaba mang pisa na ka 13th Finance Commission ban buh ia ka ophis ha katei ka District kaba thymmai.(SP News)
