Shillong, Naiwieng 24: U bah Disparsing Rani la ong ba ha dien bala ioh ia ka jingtip lyngba ka RTI ha ka 17/11/2021 haba ia dei dei bad ki kam kiba lait ha Main Secretariat la ong ba haduh mynta ki don 328 tylli.
U Bah Rani haba kren ha ki lait pathai khubor mynta ka sngi ha Shillong Press Club, u la ong ba u buh ka jingkylli hato kane ka jingdon ki kam kiba lait shibun ha Secretariat kam ktah ia ka jingkiew kyrdan ne ia ka ioh kam ioh jam ki samla pule.
Kat kum ka jingkhein kaba la ioh la ong ba kiba dei ha ka kyrdan LDA ki kam kiba lait ki don 121, ki typist ki don 90 tylli, Stenographer Grade one ki don 29 tylli, Grade three ki don 13 tylli bad kiwei kiwei ki kam dei haba khein baroh kiba lait ki don haduh 328 tylli.
U Bah Rani u la ong ba kane ka long ka jingtip kaba la ioh lyngba ka RTI bad u dang wat jingtip naduh katno kitei ki kam kiba lait kila lait hapoh secretariat, kane ka jingbym thung briew ha kitei ki kam kam ktah ioh ia ka ioh kam ioh kam ki samla.
