Da kaba but ryntih ia ki kyndon la pynlong ia ka shad Suk Mynsiem ha Madan Weiking

Shillong, Iaiong 10: Mynta ka sngi ka shad Suk Mynsiem bala pynlong da ka seng Khasi Seng kmie kaba la sngi lynter kala sdang ha Madan Weiking ha kaba ki nongshad ha kane ka sngi nohkjat baroh ki long 150 ngut, ki kynthei 54 ngut bad ki shynrang 96 ngut.

Na ka liang jong ka seng Khasi Seng Kmie kala bud ryntih ia baroh ki kyndon kiba la buh da ka sorkar ha kaba ia dei bad ka jingiada na ka khlam COVID- kane ka jingshad suk mynsiem ban ainguh ia u trai kynrad nongbuh nongthaw.

Shuwa ban sdang ia ka shad ka kmen la sdang da ka jingduwai phirat ha Madan weiking, u bah Paia B Synrem Assistant secretary la ong ba ia kane ka shad ainguh la sdang ha u snem 1911 bad la pynneh pynsah haduh kine ki sngi ha kane ka jaka madan Weikieng.

U bah PD Nongrum General Secretary ka seng u la pynpaw ia ka jingsngewnguh ia ka sorkar kaba la ailad mynta u snem ban  ioh ban pynlong ia kane ka jingshad Suk Mynsiem kaba shisien shi snem jong ka seng Khasi.

Ban bud ia ki kyndon kiba la buh da ka sorkar, ia ki nongshad la ai lad ba kin shad tang tang shikynta bad ha dien kata kin shad noh sa kawei, kane ka shad kan kut ha ka sngi nyngkong ha kaba ki khun khasi khara na kylleng ki wan ban ia shim bynta ha kane ka shad Suk Mynsiem.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet