Shillong, Nailur 09: Ki riew trei mon sngewbha bad ki nongmih khmat paidbah ryngkat ki seng bhalang mynta ka sngi da kawei ka sur kila pyrta ha Madan student ha Jaiaw ban pyrshah ia ki kam dih drugs bad ka jingnshah lehbein jong ki kynthei khynnah ha kane ka jylla Meghalaya.
Na ka liang jong ki MDC kiba la poi sha kane ka jingialang paidbah ban ia shimbynta lang, ki long, u Bah Adelbert Nongrum MDC jongka Jaiaw Constituency bad ka kong Telina Thangkhiew MDC jong ka Mylliem Constituency, kine baroh ar ngut kila pynpaw ia ka jingsngew, ba dei ban teh la kam iaki kam dih drug kaba la pynjot ia ki khun samla, khamtam eh ha kane ka nongbah Shillong.
Ka kong Telinia, kala ong ba lada don kino kino ki jingialang ban poi sha kum kine namar ba I mat kam pat jia ha iing jong ki, lane ka mat ia dep shato, lada ngim lah ban ia beh lang, la da ka wan jia ha ki khoshiew mono ban ia wan pat. “Nga kum ka nongmih khmat kynthei, nga sngewkhia ia kane ka jingshah batbor thombor bad jingshah pyniap, ka por kala dei ban kyndit bynriew”.
La ong shuh shuh ba “ Lada ki shynrang kiba la mih na ka kynthei, ki dei ban sngewthuh bad ban burom ia ki kynthei, la ong ba kum ka jaid bynriew ngi dei ban ia khun pyrshah, hynrei kum ki kmie ki kap namar ka jingiabeh ia ka kamai la shuai pisa ia ki khun da ka pisa haduh ba ki khun kim nang shuh ban burom ia ki kmie ki kpa”.
U Bah Alderbert Nongrum ha ka jingkren ka jong u la ong ban ia khun pyrshah ia kum kine ki jingeh ki don ka bynta kaba khraw tam, la kyntu ia ki bor jong ka ain ki pulit ba ki dei ban long kiba peitngor bha bad ban leh bha ha kaba pynlong ia ki jingtohkit haba ki don kino kino ki jingjia.
Kiwei ki dkhot seng bhalang kiba la kren ki long ka kong Agens Kharshiing na ka seng CSWO, Bah Nikson Dohling, na ka seng HYC, KSU la kren da ka kong Grace Lanong, na ka SSSS la kren da u Bah Rili Syiem, ka kong Rihun Swer muktiar jong ka sorkar. Ha kane ka sngi da ki spah ngut ki briew kila ia poi na kylleng kane ka nongbah Shillong.
