Shillong, Iaiong 13: Ka KSU Mawkynrew Circle lyngba ka KSU mawsna unit mynta ka sngi 12.04.2024 ka la ioh ban noh synniang sha ka skul Mawsna Pres. L.P School da ki Ben Shong bad ki Miej kum shibynta ban tynrong lem iaka jingdonkam kyrkieh katei ka skul.
Ha kane ka sngi la pyniaid iaka jingialang lyngkot da i babu Phring Lynshing Nonghikai ka skul Nawsna pres. L.P School bad la ioh jingkren na u Samla Randing Suting President KSU Mawsna Unit, Samla Elas Umsong President KSU Mawkynrew Cirle, Bah Manly Nongpluh Finance Secretary KSU CEC bad i Babu Noren Manar Headmaster Mawsna Pres. L.P School.
Hashwa ban kut ka jingialang la ioh ruh ban aiti noh ia kitei ki tiar skul sha ki nongpyniaid ka tei ka skul da i Bah Manly Nongpluh Fanance Secretary KSU CEC bad i Samla Alerick Kharjana Assistant Office Secretary KSU CEC. Kane kalong katkum ka kyrwoh kaba la phah da u samla Elas Umsong President KSU Mawkynrew Circle.
