Shillong, Risaw 01: Mynta ka sngi da ki phew hajar poi ki khristan Katholik sha ka jingpynkyntang Bishop ha Ummawlong ia u Rev. Bishop Ferdinand Dkhar ban shimti kum u Bishop ka jylla niam Jowai.
Ia ka jingleh niam ban pynkyntang Bishop la pyndep ia ka naim ka rukom da u Arch Bishop Rev. Victor Lyngdoh ha ka jingiadon lang kiwei ki Bishop, ki lyngdoh, ki riew naim bad da ki phew hajar ki paidbah khristan kiba la ia poi ban sakhi iakane ka jingleh niam.
Ha kane ka sngi u Myntri Rangbah ka jylla u Conrad K Sangma, u Symbut myntri rangbah ka jylla u bah Sniawbhalang Dhar ba dei ruh u MLA jong kane ka jaka, u bah AL Hek bad u bah Kyrmen Shylla ka sorkar jylla.
Ban pynkynmaw ba ka jylla niam Jowai kala sah khlem u nongsharai naduh ba khlad noh u Bishop Rev. Vincent Kympat, ia ka la hap ban peit noh da u Bishop Rev. Victor Lyngdoh jong ka nongstoin kato ka por ba dei u Arch Bishop jong ka jylla niam Shillong mynta.
