Shillong, Nailur 15: Mynta ka sngi ka shnat jong ka NSS Unit jong ka St, Anthony’s College da ka jingiatrei lang bad ka Nazareth Hospital Shillong kila pynlong ia ka jingai snam ei, hapoh jong katei ka college ha kaba da ki phew ngut ki samla pule kila wan sha khmat ban ai ia ka snam jong ki.
Ha ka jingkren jong ka kong Ariva Laloo assistant Director jong ka MACS ha ka jingkren ka jong ka kala pynpaw ia ka jingsngewnguh ba kane ka college ryngkat bad ka Nazareth Hospital kila lah ban pynlong ia kane ka jingai snam ei.
Ha ka jingkren ka jong ka kong Laloo kala ong ba kane ka jingaisnam ei ka long, kum ka jingai jingim ia kiwei pat kiba don kam ia ka, ka kyntu ia ki samla ba kin wan sha khmat ban ai snam. Kala ong ba kane ka shnat NSS jong kane ka college kala juh leh ia kane ka kam ba bha na ka por ha ka por.
Ha ka jingkren jong u phadar Sagi Stephan, Vice principal jong kane ka college u la ban biang ba kane ka jingai snam ka iarap ban pynim ia ki mynsiem briew kiba don kam jingiarap.
