Shillong, Rymphang 27: Mynta ka sngi kala Don ka jingiaid paigbah ia ka ba la tip kum ka “Peace Rally” ia kaba la sdang na Umjarain bad iaid sha Shaidshaid Umoid ha kaba la Pynlong ia ka jingialang paidbah ha madan shnong.
Ha kane ka jingialang paidbah ban pynrem ia ka jingjia la Don lang u myntri sorkar u bah Renikton L Tongkhar ba dei MLA jong kane ka jaka, haba kren ha kane ka jingialang la ong ba u pynremjur ia ki nongleh kam sniew, la ong ba u la dep ban ia kren halor kane ka jingjia ba sngewsih bad ai ka ain kan leng ia kana don kam.
Ha ka jingkren u MDC, u bah Karnes Sohshang, la kyrpad ia kiba pyniaid ia kand ka skul ba kin nym mih na kane ka jaka bad la ai ka jingkular ba ki paidbah kin don ryngat bad ki bor ba pyniaid ia ka skul, na ka liang jong u MDC ruh u pynrem jur ia ki nongleh ksm sniew.
Ha kand ka jingialang, ha ka jingkren u phadar ba peit ia kane ka skul u la ong ba u dap da ka jingnsgewsih ban ioh ba ki nongtrei kin mynsaw, ha ka jingshisha lada Don kano kano ka jingwit dei ban wan sha khmat ban ia kren da kaba shai.
Ha kane ka Peace Rally bala khot da ka shnong Sakwang bad Umoid, ka long da ki spah ngut ki briew kila ia mih ban ia shim bynta kynthup ia ki khynnah skul ban pynpaw ia ka jingnsgewsih bad ban pynrem ia ki nongleh kam sniew.
