Shillong, K.Lyngkot 22: Ka Khasi Students’ Union Misei Unit kaba hap hapoh ka jylli treikam jong ka KSU Mawshynrut Circle haka 20 tarik kyllangkot 2022 hapoh ka jingialam jong U Samla Sarphosly Rongrim President KSU Misei Unit lem bad ki dkhot ka la leit ban synñiang ia kawei ka longïing kaba don ha Nongmisei da ki tin sop ïing.
Ha katei ka sngi la sakhi ruh da U Sordar ka Shnong U Breling Mawlieh lem bad ki katto katne ki Riew Rangbah ka thaiñ bad haba ai jingkren na ka liang jong U Sordar Shnong U la pyrto iaka seng ha kaba ka kloi ban mih shakhmat man ki por katba ki paitbah ki donkam.
Khamtam kadei kawei ka seng kaba la Rangbah haka jingmut – jingpyrkhat bad lyngba ki issues kiba bun Ngi la sakhi ba ka KSU kadei Shisha ka stieh na bynta U Paradoh- Parasnam ha baroh ki bynta Ula ong.
Haba ai jingkren na ka liang jong U Samla Sarphosly Rongrin President ka KSU Misei Unit Ula ong ba na ka por sha ka por ka seng kam ju kynrandien ba kit ban bah iaka lyngkor jong ka jaitbynriew watla haki tyrpeng kiba lung hynrei ka ai mynsiem shuh shuh sha ka seng ba kan shakri khambha iaka dong ka thaiñ bad iaka jaitbynriew hi baroh kawei.
Haka juh ka por ka seng ka kwah ruh ban pynkynmaw ba ym tang mynta ba ka la leh ki kam isynnei hynrei wat haki por lockdown ruh ka seng ka ju mih shakhmat ban iarap iaki Paradoh ba donkam shisha iaki jingiarap U la Ong.
Shuh shuh lyngba kane ka kyrwoh Ula kyntu ruh iaki badon ba em ba kin wan shakhmat ban iasnoh kti lang bad ka seng ban kner jingiarap lem iaki Paradoh ba I donkam jingiarap pynkut ka kyrwoh.
