Shillong, April 14: Dang don bun ki tnad sorkar kiba pat lah ban pynkhreh ia ka Roster namar bym don ia ki jingthoh kiba biang ha kaba ia dei bad ki nongtrei ha ki tnad sorkar namar la don bun kiba shong thait.
Haba u SP News Agency u la wat jingtip ha kaba ia dei bad kane ka jingbym lah ban pynbeit ki tnad sorkar ia ka Roster ka long ba kim biang shuh ki kot kisla jong kiba buh ia ki kyrteng jong ki nongtrei kiba na duh u snem 1972.
Khlem da jer kyrteng, la pynsngew bha ha ki por mynshuwa bun na ki tnad sorkar ki dang shongwai bad bun mynta ki tnad sorkar kila don ia la ki jong ki ophis bad ha ka jingpynkynriah ia ki phail hateng hateng ki jah ki phail lane na ka daw jong ka jingpluh ka ophis ki kot ki sla kila shujah.
Haba ia de bad kane ka jingpynbeit ia ka jingbuh ryntih ia ka jingdon ki nongtrei ha ki tnad sorkar kala buh jingeh bha bad bun na ki tnad sorkar ki dang ialeh ban wat ia ki kot ki sla ban pynthikna ba kan nym don ka jingbakla.
