Jowai, Lber 11: Wat la ka congress ka ioh ban synshar marwei hapoh jong ka Jaintia Hills Autonomous District Council (JHADC) hynrei ka long kaba eh pat ia u Chief Executive Member (CEM) ba yn bate kam ia ki MDC mano ban don ha ka shuki Executive Members.
Katkum ki tyllong khubor kiba la ioh da u SP News Agency ki iathuh ba ki MDC jong ka seng Congress kiba la jop ar sien lynter ha ka MDC elelction, kum u Bah Hollando Lamin, Bah Arbor Hima Darnei kin ioh ia ka kam EM.
Ki lad khubor ki iathuh ba kin don ki Independent ki ban ioh ia ka kam EM bad ki MDC jong ka seng Congress kiba dang shu jop ruh kin ioh ban long EM. Hynrei ka jingiatan tyllai ka long kaba jur bha ong ki thymmei khubor.
Haba ia dei bad u Madonbai Rymbai wat la u jop ia kane ka MDC ha kane ka kynti kaba mynta ruh hynrei na ka liang jong ka seng Congress kam kwah ba un don hapoh jong ka Executive Committee namar ki jingshah kynnoh jong u ha ka por ba u long CEM.(SP News)
