Shillong, Jymmang 25: Haduh mynta ka sngi ka dang sah ka kyrteng u Dr. L R Bishnoi IPS kum u Director General ki Pulit ka jylla ha ka website jong ka tnad pulit, wat la u la shong thiat ha ka 19/5/2024 mynta u bnai.
Ka DGP kaba thymmai ka kong Idashisha Nongrang kala shimti ia kane ka kam ha ka juh ka sngi ba shongthiat u DGP barim, hynrei hapoh ka website jong ka tnad pulit ka jylla Meghalaya mynta hynniew sngi kam pat paw ka kyrteng ka DGP ba thymmai.
Kane ka jingpynsah ia ka kyrteng jong u DGP ba rim kala wanrah ia ka jingkynnoh ba kane ka jingleh kam long kaba itynnad haba u ne ka ki la shongthiat na ka kam la dei ban weng noh na ka website hapoh shi sngi ar sngi, hynrei kala sah haduh mynta ka sngi ka 25/5/2024.
Haduh ba thoh ia kane ka khubor na ka kyrteng jong u Dr. L R Bishnoi ka dang shah ha ka website jong ka tnad pulit kum DGP ka jylla Meghalaya, katba ka kyrteng jong ka DGP ba thymmai kam pat kam ha ka website ki pulit.
