Shillong, Nailur 14: Ki nonghikai kontrah kiba la shah weng kam kila sdang ia ka jingiakhih da kaba shah thngan kaba khlem buhpor ha khmat dur mot jong u Kiangnagnbah ha jan Civil Hospital Shillong.
Kane ka jingiakhih shah thngan kaba khlem buh por kila poi sha ka sngi kaba ar ha kaba ki nonghikia kila sdang ban wan na kylleng ki bynta jong ka jylla ban wan ia shim bynta ha kane ka jingiakhih shah thngan kaba la long ha Shillong.
U bah Birbor Riangtem haba kren ha u nongai khubor la ong ba kane ka jingiakhih ka long ban kyprpad ia ka sorkar ba kan don lem ka jingsngew ia ki kum ki briew,kila trei ha kane kakam hikai la bun bun snem mynta kin shu shah weng kala katah shisha ia ka iing ka sem.
La ong ba ki nonghikai kontrak kiba la shah weng ki long 800 tam baroh, la ong ba la shai ka sngi kin dang poi shuh ki nonghikai sa na Garo Hills ban ia shim bynta ha kane ka jingiakhih ban dawa na ka sorkar ba ka dei ban ai kam ia ki lada kam dei shuhha ki kam hikai tang ban pyndap ia ka iing ka sem.
La iathuh ba ha kaba sdang ha ka 13/9/2022 ia kane ka jingiakhih shah thngan ki don tang arphew duna ei ei bad mynta ka sngi kila poi palat ia ka 60 ngut bad la shai ka sngi kin dang ia wan shuh, ia kane ka rai ban iakhih da ka jingshah thngan kaba khlem buhpor la shim ha ka jingialang jong nonghikai kiba la shah weng kam.
