Shillong, Naiwieng 20: Ka Khasi Student Union mynta ka sngi kala leit ban ia kynduh ia u VC jong ka NEHU U Prof P Shukla hakaba kila dawan ban weng kam noh ia u Nantu Das Assistant Director ka tand ialehkai u ba la shah kynnoh bala jrongkti ia kawei ka samla.
Ha kane ka jingiakynduh na ka liang jong u VC ka NEHU u la kular ba ha kine ki khyndiat sngi ban wan un sa shim ia ka rai ha kaba iadei bad kane ka jingkynnoh, na ka ka liang u VC u la kular ruh ha ki dkhot ka seng KSU ba un sa leh da ka batyngeh bad u la pan por ruh 2sngi ban ai ia ka rai.
Ha ka ba ia dei bad kane ka jingkynnoh na ka liang ka KSU NEHU unit ka la pynpaw ba ka sneg kan iai don ryngkat bad kane ka samla bad ka iing ka sem jong ka ha kaba ia dei ban pynioh ia ka hok jong ka bad kum juh ka seng kala ban jur ba ka shongsuk shong sain kadei ban wan phai pat ha kane ka Skulbah.
Kane ka jingkynnoh ba shah jrongkti jong kane ka samla ha u Nantu Das ka dei ka ba la jia ha poh ka wei ka guest house jong ka NEHU kata kadei ha Kiang Nangbah kane ka jia ha ka por kumba 11 baje mynstep.
Ka daw ba kane ka samla ka poi sha katei ka jaka ka long ba ka hap ban leit mih khamta ia ka NEHU kum ka official sha ka inter university Football Tournament, ha kaba la kynnoh ba u Nantu Das lu la shim kabu bad leit rung jubor ha ka kamra ba ka sah.
