Dawa ka KSU na ka sorkar ban buh noh ia ka jaka sumar corona kawei hapoh Amlarem 

Shillong, Jymmang 17: Ka Khasi Students’ Union (KSU) War Jaintia Circle ha ka 13tarik Jymmang 2021 ka la ioh ban jurip Sha baroh ki jaka ai jingsumar hapoh ka thain ha kaba iadei bad ka jingpynkhreh ban iakhun iaka khlam covid 19, ha kane ka jing jurip ka Seng ka la lap ba ka jingpynkhreh ka dangiaid shakhmat bad haka juh ka por la lap ruh shibun ki jingduna ia ka PHC kaba don hapoh ka Shnong Jarain.

Ka kane ka jingleit jurip kils la ioh ban ia kren syllok bad ki Doctor Incharge bad kane ka jaka ai jing sumar ka dang pynkhreh mynta ia ki jingdonkam naka bynta ban iakhun ia kane ka khlam.

Hadien kane ka seng ka la ioh ruh ban leit jngoh sa ia PHC kaba don hapoh ka shnong Pdengshakap, katkum ka jingiakren bad u doctor incharge ba ka jingpynkhreh jongki ka lah iaid mynta bad ki lah admit ruh iaki positive case hapoh ki ward ba kyrpang katba ki lah hynrei ka long pat kaba jynjar haduh katta katta namar ki jaka ban sumar kim pat da biang bad ki nongpang na kiwei ki jait jingpang manla ka sngi ki admit nakata kadaw kalong kaba shitom bad ka don ruh ki jingeh.

Ha kaba iadei bad ka Nongtalang CHC la ioh ban iasyllok bad u doctor incharge ha kaba iadei bad ka jingpynkhreh la lap ba lah pynkhreh 10 tylli ki jingthiah ba kyrpang ha ryngkat ki tiar pyndonkam ki la biang lut tangba ka jingeh ka long ba ha kane ka thain ka shait lip light khah khah na kata kadaw ki shem shitom ban pyndonkam iaki oxygen bad naka liang u doctor u la kyrpad ia ka seng ba kan tuklar lem na ki bor ba halor khnang ban pynbit pynbiang ia ka rukom trei kam ha jaka ai jingsumar.

Ha kaba ia dei bad ka Dawki PHC ka long kaba shitom haduh katta namar Kim don ia ka Iing ai jing sumar kaba biang bad ki kamra ba kyrpang ban buh ia kiba pang covid-19 namar jan manla ka sngi ki nongpang lah admit ha kane ka hospital kalong kaba shitom haduh katta lada jia ba don ki positive case hap ban ia pynthiah Lang hajuh bad kiba pang na kiwei ki jait jingpang.

Khadduh ngi shem haka jingiasyllok bad baroh ki doctor incharge ngi lah ioh ki jingmut shibun ha kaba iadei ba kumno ban ia khun pyrshah ia kane ka khlam bad ki da kyrpad ia ka seng ba dawa na ka sorkar ba kan buh noh iaka corona care center kawei hapoh Amlarem.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet