Dawa ka KSU na ka sorkar ban kem mardor ia kiba don kti ban shoh ia ki samla ha Golflink

Shillong, Lber 24: Ka KSU South West Khasi Hills District lyngba ka kyrwoh na u samla Forwardman Nongrem  President KSU South West Khasi Hills District ka dap daka jingsngew kyndit halor ka jingshah ktah kti bad shah shoh haduh da mynsaw jur jongki 3 ngut ki samla khasi na shnong Wahkaji, South West Khasi Hills District ha Golflink, Shillong.

Kane ka jingjia ka la jia haka miet sngi u blei ha kaba kumba 20 ngut ki bar jylla ki la shoh bad tied da ki bilor beers ia kine ki samla ha kaba uwei na ki u lait da ka sait katba ar ngut pat ki la mynsaw jur bad poi hospital .

Kumba long mynta uwei na ki samla ba shah shoh u la mynsaw jur ha kaba um pat tip briew haduh mynta ha kaba u la shah sumar ha Super Care bad mynta pat la kit ha NEIGRIMS Hospital namar kim lah shuh ban kyrshan namar ka jinglut.

Naka liang jong ka Seng ka pynpaw iaka jingsngewdiaw bad ka pynrem jur ia kine ki barjylla kiba la nud ban ktah kti iaki trai ri trai muluk haduh da mynsaw jur bad ngi sngewphylla ruh ba haduh mynta ki dang iaid sahuh namar ka jingphai lyndet bad ka jingbym leheiei jongki pulit bad ki briew sorkar .

Ka Seng ka dawa iaki pulit ba kim dei ban noh tarajur shiliang bad ban pynbunkam tang ban kem bad pharep iaki samla khasi tang shu jia eiei iaki bar jylla bad lehsting pat lada ka don ka jingshah thombor ki trai ri trai muluk pat kim leh eiei.

Ka Seng ka dawa ruh naka sorkar jylla ba ka dei ban phah kem mardor ia kine ki runar hashwa ba ka Seng kan shim hi iaki sienjam ba tyngeh da lade.

Ka KSU ka dawa ba dei ban siew bai lutksan bad siew bai sumar ia kine ki samla ba mynsaw namar mynta ki don hapdeng ka jingshitom kaba jur bad ia kane ka sorkar ka donkam ban leh noh kham kyrkieh mardor. Ka sorkar ka dei ban rah ruh shaki jaka sumar kiba biang ia kine ki samla ba mynsaw jur bad dei ban kem bad pynshitom mardor ia ki briew ba donkti.

Kane ka dei ka kyrwoh na u samla Forwardman Nongrem President KSU South West Khasi Hills District

What Next?

Recent Articles

Leave a Reply

Submit Comment

*