Shillong, K. Lyngkot 19: ka seng Meghalaya EMRI Worker, s Union (MEWU) mynta ka sngi kila pynlong ia ka jingiaid paidbah na ophis ka GVK Lawmali sha Madan student, s ban dawa na ka sokar ba ka tnad ka koit ka khiah ka dei ban shimti noh ia ka jingshakri jong ka EMRI 108 ha ka jylla.
U bah Roypar Kharaswai president ka Union la ong ba ka kontract ba ka sorkar ka ia soi bad ka GVK kan kut ha u bnai Lber 2021, kum ka Union ka dawa ba ka sorkar ka dei ban shimti hi noh ia Kane ka jingshakri jong ka 108.
La pynkynmaw ba ha u snem 2008 ba sdang ia Kane ka 108 ha Meghalaya la sdang ruh ha Assam, ha Meghalaya la sdang da ki 43 tylli ki Ambulance 108 bad mynta la dang hiar, katha ka Assam na ka 50 tylli mynta kila kiew sha ka 600 tylli.
Ha ba ia kren bad ki lad pathai khubor na ka liang u President jong ka MEMRIWU u bah Roypar Kharaswai u la pynpaw ba mynta ka sngi kine ki nongtrei ki la pynlong ia ka jingiaid naduh ka ophis treikam jong ka EMRI 108 haduh madan studend kalong ban pynbor ia ka sorkar ba kan shim hi ia ka ne ka tnad hapoh ka jingpyniaid jong ka sorkar jylla namar ba mynta u snem ka company GVK kan sa kut noh ka por trei kam ha une u bnai lber u ban wan.
Na ka liang ki nongtrei jong ka 108 ki kwah ba hadien ba la kut ka por treikam jong kane ka Company ka sorkar jylla ka hap ban khot biang ia ki tender hynrei ki nongtrei jong ka ne ka tnad ki kwah ba ka sorkar jylla ka dei ban shim ti hi ia ka ne ka tnad hapoh ka jingpyniaid jong ka.
U bah Kharraswai u la ong ba ka jingdawa jong kine ki nongtrei ia ka sorkar jylla ban phah pyniaid noh hi ia ka ne ka tnad namar ba ka ne ka Company bana bar ka jylla ka la shuthok bad haduh mynta ki baroh ki jingdawa kane ka company ka khlem lah ban pynurlong.
“Ha ka ba ki nongtrei ki hap ban trei bun kynta kat ba ka jingsiew jong ki ka long ka bar it tam ban ia nujor bad ki wei ki jylla , kane ka Company kam ju shim khia ban pynbha ia kine ki kali ambulance labun ki ba la duh la kum ki kali nuit”u laong.
U la ong ba la da ka sorkar ka dang kuman ban sngap ia ka jingdawa kum ba la dep kular da u myntri ka tnad ka koit ka khiah ki nongtrei ka EMRI 108 kin iaid biang ha ka lynti ban sangeh trei kam shisyndon .
U la ong ba ki jingkular jong u myntri ka tnad ka koit ka khiah u bah AL Hek u la kular ban rah ia ka ne ka jingeh jong ki nongtrei 108 sha ka jingialang Cabinet hynrei la iaid katno tylli shuh ki cabinet hynrei kam don ba kin pynpaw na ka liang jong ka sorkar kan kwah ban pynbeit ia ka ne.
“Ka sorkar jylla ka bei pisa 100% na ka bynta ka jingbit jingbiang jong kane ka tnad , bad haba ka sorkar ka pynlut hi na lade balei ba ka sorkar kan dang donkam ia kane ka tnad ban pyniaid da ki Company ba wan na shabar ka jylla” u la ong.
