Shillong, Nailar 31: Ka seng samla pule jong ka North Eastern Hills University Students’ Union (NEHUSU) mynta ka sngi kila leit ban tur sha ka ophis jong u Vice Chancellor, ka North Eastern Hills University (NEHU) ban dawa ba dei ban weng noh ia u Prof. F.A Qadri hapoh ar sngi halor ka jingkynnoh ba u kynshlein kynthei.
La kynnoh ba kane ka jinglehkynsleim jong u tei u Professor ka la jia ha ka 26 tarik mynta u bnai ia kawei ka kynnah pule hapoh kane ka skul bah hapoh jong ka tand pule History. Ha kane ka jingleit tur jong ki samla pule kane ka skul bah kila rah ruh ryngkat ki jingthoh ban pynrem ia kane ka jingjia.
Haba kren ha ki nongthoh khubor, u Tyrchain Lypon, president ka NEHUSU, u la ong ba kane ka samla pule jong kane ka skul bah kala ai ia ka jingujor pyrshah ia u nongiarap jong ka u ba dei u professor ha kaba thoh ia ka kot jong ka bad kala don ka jingpynkylla da kaba leh kynshlein. Kane ka jingujor kala lei tai ruh da ka jingthoh sha ka shnat jong ki kynthei hapoh jong kane ka jaka pule.
Ia mynta kum ka seng kan ap na ka bynta ar sngi namar ka jingtohkit ka dang iaid mynta, ha ka juh ka por ka seng kala dep ai da ka jingthoh sha u VC jong kane ka skul bah bad dawa ba dei ban weng noh ia u kum u “Dean” jonf Ka tand pule School jong ka Social Sciences, bad dei ban beh kam syndon ruh halor kine ki kam kynshlein jong u.
Na ka liang jong u Prof. Manmohan Singh, ha ka kyrteng jong u Vice Chancellor ka NEHU, u la ong ia kine ki samla pule ba ia khih ba kin ap ia ka kaiphot na ka liang jong ka tand jong ki kynthei bad ynda kila ioh ia ka kaiphot kin sa peit ia kaba don kamhalor kane ka jingkynnoh.
