Shillong, Naiwieng 26: Mynta ka sngi ki nongtrei jong ka MeECL hapoh jong ka lama jong ka All MeSEB Employees Staff Union (AMESU) kila pynlong ia ka jingiakhih jong ki ha jan jong ka Meghalaya Secretariat ban pynpaw ia ka jingpyrshah halor ka jingthmu ka sorkar pdeng ban aiti ia ki kam pynmiyhbor ding sha ki riew shimet.
Ha kane ka sngi ki nongtrei jong ka MeECL kila pynlong ia ka jingialum ha khmat ophis kaba don ha pyrshah bad ka Main Secretariat jong ka sorkar jylla ban rah ia kip la kard ban pynpaw ia ka jingpyrshah jong ki ba ym dei ban aiti ia ki kam pynmih bording sha ki riew shimet.
Ha ki pla kard kila thoh shai ba ym dei ban shim ram ia kiba khlem don kam, sangeh ia ki jingpyndon kam ia ki tiar kiba khlem da don kam, ki dawa ba dei ban pynduh noh ia ka jingthmu ban pyndon kam ia ki Smart Metter, bad ki dawa ba ki dei ban ioh ia ka tulop jong ki. Ki dawa ruh ia ka jingthoh kit da ka CBI halor ki jingkynnoh bam sap hapoh jong ka MeECL.
Ia kane ka jingiakhih kila sdang ha Hydro ophis bad ha dien kata kila leit ban pynlong ruh ia ka jingrah ia kip la kard ha ophis jong ka MeECL kaba don ha Lum jingshai, ha kane ka sngi da ki spah ngut ki nongtrei kila ia mih madan ban ia shim bynta ha kane ka jingiakhih.
Ia ka jingpyrta ban dawa ba dei ban aiti sha ka CBI ban tohkit ia ka jingkynnoh bamsap hapoh jong ka MeECL la ialam da u bah A Dkhar bad ki nongtrei kiba ia don lang ha kane ka jingiakhih kila pynbud lang ha ka jingiapyrta.
