Dei ban phah tohkit da ka “Judicial Inquiry” ba shitom ki khynnah skul ba dih dawai: Titos

Shillong, Nailar 01: U bah Tistostarwell Chyne  Chief Executive Member jong ka Khasi Hills Autonomous District Council (KHADC) ba dei ruh u MDC jong ka Sohra la dawa ba ka sorkar ka dei ban thung ia ka “Judicial Inquiry” halor ka jingshitom jong ki khynnah skul ha dien bala dih ia ki dawai bala ai ha ka skul Kyntiew Shaphrang.

U CEM jong ka KHADC u pynpaw ia ka jngsngewkhia khamtam haba dih ia ki dawai ba la ai da ka tnad ka koit ka khiah bad kaba la ktah ia ki khynnah skul jong ka Kyntiew Shaphrang hapoh Laitlyngkot, halor katei ka jingjia u pynrem jur bad kane la lah ban dei lehse na ka jingbym kit khia ka tnad ka koit ka khiah ban ai ia kine ki dawai.

U CEM jong ka KHADC ba kane ka dei ka jingma kaba khraw haduh katta katta kaba lah ban ktah wat ia ka mynsiem briew ha kaba 20 ngut ki khynnah kila shah ktah n auto dawai, halor kane ka sorkar ka dei ban buh da ka “Judicial Inquiry” khnang ban tip naduh tynrai kaei kaba la pynlong ia kine ki khynnah ban kem pang ha dien bala dih ia u dawai.

“Ha ka jingsuba ka jong nga, ka lah ban dei hi na ki dawai bad ka lah ban dei ba ki dei ki dawai taddor lane leh se ki dei ki dawai kiba la kut ka por, ym lah ban tip lane dei ki dawai kiba lah ban long dor kaba tad, lah ban dei ki kompeni taddor”, la ong u bah Titosstarwell.

U CEM jong ka KHADC u kyntu ia ka sorkar lyngba ka tnad ka koit ka khiah ba kan shim khia ia kane ioh ka ktah sa kiweipat ki jaid dawai ruh kiba ai tika sha ki briew, kumba ka long mynta ka don ka jingaidawai Polio ia ki khyllung, ka don ka jingai dawai COVID, ki briew kin tieng em da leh kumne kan pynduh mynsiem em ia ki paidbah, ha ka jaka ba ki paidbah kin shaniah ia ki dawai sorkar kan pynduh pynban ia ki jingsha niah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet