Umden, Nohprah 29: Ban pynneh pynsah ia la ka jong ka riti dustur ka seng Nongtluh Eri Farmer Association (NEFA) mynta ka kyntu kala pynlong ia ka tamasa kaba lai ia kaba la tip kum ka “Ri Kunai la Tynrai 2021” ha shong Umden ka Raid Nongtluh ha Ri Bhoi District kaba hap hapoh jong ka Hima Mylliem.
Haba kren ha kane ka tamasa kaba ar sngi u MLA jong kane ka jaka u bah Mayralborn Syiem, la ong ba ka jingsngewnsguh ka leit sha ka sorkar pdeng lyngba ka riti synshar hong ka ri ia kaba la bsut hapoh ka khyrngit kaba hynriew ha kaba la buh beit buhryntih ban pynneh pynsah ia la ki riti ki dustur jong ki jaidbynriew rit paid.
Lyngba kane ba ki Hima, ki Raid, ki shnong ki thaw ki ioh ban pynneh pynsah iala ki riti ki dustur, dap da ka jingsngewkmen ba ka jylla kala dap 50 snem kum ka jylla bad kum ka ri India kan sa dap 75 snem ba ka sorkar pdeng naduh u snem 1950 kala buh ryntih ia ki riti dutur ba ka sorkar kmie kala ai ia ki paidbah ka thain shatei lam mih ngi jong ka Ri India.
U Bah Mayralborn u la pynpaw ia ka jingsngewnguh ia ka Hima Mylliem, Hima Khyriem, ka Raid Nongtluh bad kiwei kiba lah ban pynneh pynsah ia ka riti dustur, haba im ka ktien, ka riti dustur im ka jaidbynrie, la ban jur ban dei ban hikai ia ki long dien man dien ban pynneh pynsah ia ki riti dustur.
Na ka liang jong u MLA la ong ba ka Umden, Diwon ka dei ka jaka kaba la ithuh kyrpang da ka sorkar jylla ia ka jingpynmih ia ki jain Rymdia bad la ong ba ia kane ka jingioh pateng na ki long shuwa dei ban pynneh pynsah bad hikai ia ki khun samla ba kan neh pateng.
Na ka liang jong u MLA u ka kyntu ia ki kynhun bapher bapher ba kin ia treilang kawei khlem da don kano kano ka mynsiem ban ia bishni bihuin ban kyntiew bad pynneh pynsah ia la ka tynrai, na ka liang jong u u MLA la ai khublei ia ka Nongtluh Eri Farmer Association kaba la lah ban pynlong ia kane ka Tamasa.
Ha ka jingkren jong u MDC u bah Balajied Rani la ong ba ka long kaba sngewsih ban tip ba kila don ki jaidbynriew rit paidbah ha Assam kum ka jaitbynriew Deori, ban nym jah ka jaidbynriew don kam ban pynkhlian ia ka Riti Dustur bad kane ka jingpynlong ia kane ka tamasa kala dei kawei ban pynneh pynsah ia la ka jong ka tynrai.
Na ka liang jong ka District Council ka KHADC, kala pynlong ia ka tamasa ha Mawphlang ban pynneh pynsah ia ka riti dustur jong ka jaidbynriew khasi kiba hap hapoh ka jingpeit jong ka KHADC, kane ka dei ka nuksa kaba skhem ban pynneh pynsah ia ka riti dustur jong ka jaidbynriew.
Kiwei kiba la kren ha kane ka tamasa ki long, u bah Plos Syiem DSP bala shong thait, Pa,in Vincent Syiem, u Syiem ka raid Nongtluh, ka kong Biaris Mallai nongaibuid ka NEFA, Kong Banisha marbaniang, kong Therisia Syiem president NEFA, ha kane ka sngi da ki spah ngut ki paidbah na kylleng kila wan ban sakhi ia kane ka tamasa.
