Shillong, Risaw 26: Ka jingdheng kali mynta ka sngi naduh Puriang haduh pung Thadlaskein kala neh kumba san kynta tam bad kane ka long ka sien kaba nyngkong ba kan don ka jingsah kut kali ha dien bala plie ia ka surok Shillong Bye pass.
Haba u SP News Agency u la iakren bad u Superintendent ki pulit jong ka West Jiantia Hills u Bah Lakador Syiem ha kaba ia dei bad kane ka jingsah kut kali kaba la palat mynta ka sngi ha katei ka surok, la iathuh ba ka jingsah kut kali ka dei na ka jingphrung klumar ki nongniah kali khlem da sngap shuh ia ki pulit ba pyniaid.
Na ka liang jong heh pulit ka West Jiantia Hills, la iathuh ba ki don lai tylli ki trok 14 shaka hapdeng Puriang bad Mukhla, na ka liang jong ka tnad pulit kam don ia kali khwai kiba lah ban tan ia kum kine ki kali kiba heh ban pynlait ia ka surok, haba ki pulit kila ialeh ban pyniaid ia ki kali ki briew pat kim kohnguh kane kala wanrah ia ka jingdheng kali ha katei ka surok bah mynta ka sngi.
Ban pynlait ia kane ka jingsah kut kali kaba la palat pud mynta ka sngi, na ka liang jong ka tnad pulit kala bat lut ia baroh ki trok kiba wan na Jiantia Hills ha Phramer bad ia kiba wan na Khasi Hills kila bat ha Mawryngkneng la leh ia kane ka long ban pynlait ia ka jingsah kut kali.
