Shillong, Rymphang 24: U Myntri rangbah ka jylla u Conrad K Sangma mynta ka sngi u la hiar sha Nolikata ban leit ban ialap ilekshon na ka bynta u kyrtong ka party u Bah Kitborlang Nongrem u ba ia khun na ka party NPP ha kane ka ilekshon shiteng samoi ha 26-Langrin Konstitwensi.
Ha ka jingialap ilekshon kaba la long ha Nolikata, ha kane ka jingialang paidbah u myntri rangbah u la ong ba ki paidbah katei ka thain kila dawa ban ioh ia ka Civil Sub Division la kumba 20 snem ei ei, hynrei dei tang haba la wan kane ka sorkar MDA kaba la pynioh ia ka Ranikor Civil Sub Division.
Ha kane ka jingialang paidbah kaba la pynlong da ka party NPP, na ka liang jong u myntri rangbah u la ong ba ka jingiathep vote kan long ha ka 28 tarik mynta u bnai ha kaba u myntri rangbah u la pan ia ka jingkyrshan jong ki paidbah ban ai ia ka jingkyrshan jong ki ia u Bah Kitborlang Nongrem kyrtong ka NPP.
Ha kane ka sngi kiba la ia don lang ki long State Presdient jong ka party u Dr W R Kharlukhi, u Bah Kitborlang Nongrem kyrtong ka NPP, u Bah Mighter Marwein u nongialam ka UDP bala pyniasoh sha ka NPP bad da ki spah ngut ki paidbah kila ia poi ban sngap ia u myntri rangbah ka jylla ha kane ka jingialap ilekshon.
