The Prime Minister, Shri Narendra Modi addressing at the inauguration and foundation stone laying ceremony of key projects of the Power and Urban sector in Kerala, via video conferencing, in New Delhi on February 19, 2021.
New Delhi, Nailar 8: U Myntri Rangbah Duh jong ka ri, u Narendra Modi u la ai khublei ia ka kynhun ki nongialehkai jong ka ri kiba la ialehkai bha ha ka lympung ialehkai Olympics. Katba dang jan ka jingpynkut ia kane ka lympung ialehkai, u Myntri Rangbah Duh u la ong ba man u nongialehkai jong ka ri u dei u champion.
U la ong ruh ba ki takma ba ka ri ka la jop ki la wanrah ia ka jingkmen ha baroh kawei ka ri. Ha kajuh ka por, kane ka dei ka por ban treikam na ka bynta ka jingkyntiew ia ki kam ialehkai ha ki jaka nongkyndong khnang ba ngin dang ioh shuh shuh ia ki samla ba tbit ha ki kam ialehkai kiba lah ban mihkhmat na ka ri ha ki snem ban wan.
U la ai khublei ia ka Sorkar bad ki briew jong ka Japan kiba la pynlong ia ka lympung kaba iaid beit iaid ryntih. “Ban pyniaid ryntih ia kum kane ka lympung, khamtam ha kine ki por jong ka jingeh ka dei ka dak jong ka jingeh jingmut. Ka la pyni ruh kumno ki kam ialehkai ki wanrah ia ka jingiatylli,” la ong u Myntri Rangbah Duh.
Ha ki tweet u Myntri Rangbah Duh u la ong, “Katba dang jan ka jingkut jong ka #Tokyo2020, nga ai khublei ia ka kynhun ki nongialehkai ka ri kaba la lah ban ialehkai bha ha kane ka lympung. Ki la pyni ia ka jingtbit, ka jingiatreilang bad ka jingkut jingmut. Man u nongialehkai ba mihkhmat na ka ri u dei u champion.
Ki takma ba ka ri ka la jop ki la wanrah ka jingkmen ha baroh kawei ka ri. Ha kajuh ka por, kane ka dei ka por ban trei na ka bynta ka jingkyntiew ia ki kam ialehkai ha ki jaka nongkyndong khnang ba ngin ioh ia ki samla kiba tbit ha ki kam ialehkai kiba lah ban mihkhmat na ka ri ha ki snem ban wan. #Tokyo2020
“Nga ai khublei kyrpang ia ka Sorkar bad ki briew ka Japan, khamtam ka Tokyo kaba la lah ban pyniaid ryntih ia kane ka lympung ialehkai. Ban pyniaid ryntih ia kum kane ka lympung, khamtam ha kine ki por jong ka jingeh ka dei ka dak jong ka jingeh jingmut. Ka la pyni ruh kumno ki kam ialehkai ki wanrah ia ka jingiatylli. #Tokyo2020”
