Shillong, Iaiong 10: Kane ka dei ka snem kaba ar ba tyllong um shyngiar ha Mawlai Phudmawri kaba don ha pdeng khlaw sorkar kala tyrkhong tang poi kane ka por pyrem bad kane ka jingryngat kane ka tyllong um kala pyndum buid ia ki ba don saw dong katei ka jaka.
Kane ka tyllong um ka dei kaba la don da ki phew phew snem ha kaba ki nongshong shnong Mawlai Phudmawri ki pyndon ia kane ka um ban shet ban tiew bad bad sait jain bad ka ophis jong ka Mylliem Block ruh kala pynshna bha ia kane ka jaka ban Saitjain.
Kaba pynlyngoh ka long ba baroh ar tylli ki tyllong um kiba don ha katei ka khaw sorkar ha shnong Pudmawri kila tyrkhong baroh ar jaka bad kine ki tyllong um hapoh katei ka khlaw ka ia jngai kumba 250 metter ei ei kawei na kawei ka tyllong um.
Katkum ka jingiathuh jong ki briew kiba don sawdong kine ki ar tylli ki tyllong um ba kine ki tyllong umshyngier kid a tykhong khiat kumba ka long mynta dei u bnai Lber bad mynta u Iaiong bad ka um kan sa mih biang ynda la kham jur u slap.
La iathuh ba kine ki ar tylli ki tyllong um shyngiar kim juh rtykhong ha kine ki snem kiba la leit noh da ki phew phew snem, hynrei dei ha u snem 2020 bad mynta u snem 2021 ki la tyrkhong.
