Jowai, Lber 26: Ka KSU Iooksi Unit ka la leit ia kynduh
markhmat ia u AEE, MeECL Khliehriat Distribution Division, ha ryngkat
bad ka jingthoh, ban ujor halor ka jingbym biang bording ha ki shnong
Iooksi, Umdiengling ha kine ki taiew ba la dep tad haduh ba la ai ia
kane ka jingujor. Ha kane ka sngi, utei u heh jong ka MeECL u la jubap, ka daw ka long namar ka jingduna nongtrei ba ha ka jaka ban don da u
Lineman, ki la buh tang da u Casual Helper ban peit sha kitei ki
thain. Bad u la kular ban shimkhia ia katei ka kam ban pynbiang
bording ia ki paitbah ha kitei ki thain.
La ialam ia kane ka kynhun da u samla N. Sutnga(Org. Secy KSU JHDU)
bad W. Shadap(Environment secy KSU Khliehriat Circle) Ha kajuh ka por, ka KSU Saphai Unit ka la pynrem jur ia ka jingbymbiang bording ha ka shnong Saphai bad ka la dawa na ki bor ka MeECL ban pynbiang kloi ia ka bording namar ka jinglip ding ka la buh ia ki paitbah, ia ki khynnah ba leit skul, ha ki jingeh khamtam ba ia ka bai bording ki siew beit thik thik kat kum ba la buh.Kane ka long ka kyrwoh na ka KSU Iooksi bad Saphai Unit.(SP News)
