Shillong, Nohprah 10: Ki pulit kila lap ia ka met iap jong u Hedrin Rynjah na ka iing shah wai ha Dongkanan haka shnong Laitkyrhong kaba hap hapoh jong ka East Khasi Hills District bad ia ka met iap jong u Bikostar Rynjah pat la lap na jan khlaw ba la sdien phasi.
Ki pulit ki iathuh ba katkum ka jingtohkit kaba kila kylli na kiba ha iing ha sem jong kine kiba iap baroh ar ngut kala don ka jingsuba jur ba u Bikostar Rynjah u la pyniap ia u kni jong u u Hedrin Rynjah bad ha dien ba la dep ban leh ia kane ka kam u la leit sha khlaw ban sdien phasi ia lade.
Katkum ka jingtip jong ki pulit la ong ba kine ki briew kiba la lap ia ka met iap jong ki mynta ka sngi baroh ar ngut kila jah na iing naduh ka san tarik mynta u bnai. Ki pulit kila pyndep ia ka jingdon kam baroh bad ka jingtohkit kan dang iaid sha khmat.
