Shillong, Jylliew 15: U bah Tenny Shabong Secretary jong ka NEHU Workers Union mynta ka sngi u la pyntip ba kila pynsangeh shuwa shipor naduh la shai ka sngi ia ka jingiakhih jong ki kaba la iaid khatsan sngi lynter, ia kane ka rai la shim ha dien ka jingiakynduh ia ki bor nongpyniaid ka skul bah NEHU.
La iathuh ba kala don ka jingiakynduh ha pdeng ki nongialam jong ka NEHU Workers Union bad kibor pyniaid ka NEHU, kane ka jingiakhih ba jar jar kin sangeh naduh la shai ka sngi haduh ka 30th Jylliew 2022 ia kaei kaba mih na ka jingiakren kin sa shim ia ka rai.
Lah ban pynkynmaw ba ka jingiakhih ong ki nongtrei bylla sngi kiba don palat 500 ngut hapoh jong ka NEHU ha Shillong bad Tura kila pynlong ia ka jingiakhih kaba jar jar haduh mynta ban dawa na ka NEHU ban ithuh noh ia ki nongtrei kum ki nongtrei ba pura ia kiba la trei palat ia ka 10 snem.
