Shillong, Rymphang 12: Mynta ka sngi u Chief Justice jong ka iing bishar ka Meghalaya High Court, u Justice S Vaidyanathan u la leit ban ia kynduh ia u Lat ka jylla u Phagu Chauhan ha Raj Bhavan, Shillong.
Ia u Chief Justice ka Meghalaya High Court la pynsmai ha ka 11/2/2024 da u Lat ka jylla ha ka jingia don lang ki heh ka sorkar jylla bad ki ophisar na ka Meghalaya High Court kiba la ia sakhi lang ia katei ka sngi.
U Chief Justice S Vaidyanathan u dei u nongbishar ba rangbah duh jong ka Meghalaya High Court u ba 12 naduh ba ka jylla Meghalaya kala ioh ia la ka jong ka iing High Court, kane ka leit ia kynduh ka dei ka jingiakynduh kum ka jingiaburom mar kylliang.
