Shillong, Iaiong 17: Ha ka sngi Thohdieng ka 19/Iaiong/2024 ka jylla Meghalaya kan sa jied iaki ar ngut ki MP ban mihkhmat ia ka jylla sha dorbar bah ka Ri India sha Lok Sabha. Wei na ka 1-Shillong (ST) Parliamentary Konstitwensi bad ar na ka 2-Tura (ST) Parliamentary Konstiwensi.
Ka jylla Meghalaya ka hap ha ka bynta kaba nyngkong jong kane ka General Election sha Lok Sabha elekshon, ha kaba 102 tylli ki parliamentary konstitwensi ha ki 21 tylli ki jylla ha baroh kawei kawei jong ka Ri India.
Ha Meghalaya ki don 10 ngut ki kyrtong, na ki party ki don hynniew ngut, ka Congress 2 ar ngut, NPP ar ngut , TMC wei, UDP wei bad NPP wei bad lai ngut ki kyrtong shmet, ar na 1-Shillong (ST) Parliamentary Konstitwensi bad 1 na ka 2-Tura (ST) Parliamentary Konstitwensi.
Ki nongthep vote na ka 1-Shillong (ST) Parliamentary Konstiwensi ki don 14,00,411 lak ngut, ki shynrang ki don 68,37, 66 lak ngut bad ki kynthei ki don 71,66,43 lak ngut, ki kongbah 2, bad kiba trei ophis sha bar 2481 ngut.
Ka 2-Tura (ST) Parliamentary Konstitwensi ki nongthep vote baroh ki don 82,61,56 lak ngut na kine ki shynrang ki don 41,57, 51 lak ngut katba ki kynthei ki don 41,04,04 lak ngut , kongbah wei, bad kiba trei ophis sha bar ki don 412 ngut.
