Shillong, Jylliew 26: Ka jylla Meghalaya sa tang hynniew bnai kan sa leit sha ka election MLA kaba lah ban long ha u bnai Lber 2023 ban jied ia ki nongmih khmat sha ka iing dorbar thawaain ka jylla bad ki seng sain pyrthei kila ia khih ban pynkreh iala ki jong ki kytong.
Kumba juh jia man la ka por ba la jan elekshon kala don kata ka jingiakynthih ki nongkyrshan bad kum juh ki MLA kiba ia kynthih na kawei ka party sha kawei pat ban ia khun ia ka MLA elekshon bad kane kala jia ruh kum ha kane ka kynti kaba mynta ruh wat la ki MLA kim pat iamih hynrei ka jingiakren kala iaid.
Ki nongpeit pyrman ha kaba ia dei bad ka sian pyrthei kila pynsngew ba ha u snem 2023 ki party kiban pynieng kyrtong ha baroh 60 tylli ki konstitwensi dan dei tang ka party Congress bad ka party NPP, kat ba kiwei ki party kin nym lah ban pynieng kyrtong ha baroh 60 tylli ki konstitwensi.
Katkum ki jingkhein kiba la antad ka long ba ka party UDP kan pynieng kyrtong hapdeng 35 bad 40 tylli ki konstitwensi, ka AITC kan long ha pdeng 25 bad 30 kin konstitwensi ka BJP kan long hapdeng 15 bad 20 ki konstitwensi bad kiwei ki party kin long hapdeng 10 bad 15 tylli ki konstitwensi.
