Ha ka jingiakhih shnong kyllain mungor dawa ka NESO ban pyntrei kam ia ka ILP ha North East

Shillong, Nialar 17: Mynta ka sngi ka North East Student’s Organisation (NESO) kala pynlong ia ka jingiakhih shongkyllain mungor ha baroh kawei ka thain shatei lam mih ngi bad ha Meghalaya ha nongbah Shillong la pynlong da ka KSU bad ha Tura da ka GSU ha kaba kane ka long ban pynsngew sha ka sorkar pdeng ba kum ki seng samla pule kane ka thain ki dawa ba dei ban pyntrei kam ia ka ILP ha baroh ki jylla.

Nalor ka ILP kiwei ki jingdawa ka long ba ka sorkar pdeng ka dei ban pynthymmai ia ka National Registration Citizenship 1951, ka sorkar pdeng ka dei ban weng ia ka AFSPA 1958 na kane ka thain, ka dei ban pynkylla ia ka ain CAA na kane ka thain.

Ka sorkar pdeng ka dei ban pyntrei kam pura iaka soskular ka Assam Accord kaba la ia soi, dei ban don ia ka polisi kaba kyrpng ia ka North East ha kaba ia dei bad ka pule puthi,  dei ban pynbeit noh ia pud u sam hapdeng ki jylla bad kum juh bad ka Banladesh.

Ka sorkar pdeng ka dei ban dang buh shuh shuh ia ki skul bah da dei jong ka sorkar pdeng ha kane ka thain shatei lam mih ngi jong ka Ri India ban don kham bun ki jaka wat bnaih bad ban buh ia ki shnat pule kiba katkum kane ka juk ha kane ka thain.

Ka sorkar pdeng ka dei ban peit ban don ia ki rukom trei kam kiba kyrpang ban kyntiew iaka ioh ka kot kane ka thain bad la dawa ba ia ki ophis jong ka Act East Policy dei ban dong ha North East, ka sorkar pdeng ka dei ban don ia ka polisi kaba kyrpang ban weng ia ki jngkyrduhkam, ia ki kam Grade III bad Grade IV ha ki ophis ka sorkar pdeng dei ban mang tang ia ki briew kane ka thain.

Ka sorkar pdeng ka dei ban ai ka jingithuh kaba kyrpang ha ka Riti synshar jong ka Ri India na ka bynta ki briew kane ka thain shatei lam mih ngi jong ka Ri India ba kin long trai ha ka khydnew ka shyiap bad ki mar poh khyndew bad ban buh ia ka por la ka jong ia ka North east. Na ka bynta ki briew ka Myanmar kiba phet rieh sha India ban lait na ka jingshah pynshitom dei ba ai bam ia ki.

Ha kane ka jingiakhih shong kyllain mungor kiba la kren ki long u Chairman ka NESO u bah Samuel B Jyrwa, u President ka KSU samla Lambokstarwell Mangar bad kiwei kiwei ki nongialam seng bhalang kiba la ia don lang ha kane ka jingiakhih ia ki mat jingdawa baroh la pule da u samla Donal V Thabah General secretary ka KSU.