Shillong, Nohprah 15: Ka JSU Laskein Circle ha ka jingialam u Genral secretary u samla Franky Shylla bad ha jin
gdon ryngkat ka Publicity secretary u samla Dapmain Suchiang mynta ka sngi ka la leit ban jurip ia ka CHC Laskein.
Ka jingleit jurip jong ka seng ka long ha dien ba kala ioh ia shibun ki jingujor na ki riew paidbah jong katei ka thain ia ka jingshah pynkynriah kam u Lab-Technician uba na ka shnong Laskein.
Ka seng kala lap iaka jingshisha ba mynta don tang kawei ka Lab- Technician bad kane ka buh jingeh namar hakapor ba leit test COVID 19 sha ki shnong ka hospital ka sah thylli khlem ki Lab technincian bad ki paidbah ki shem jinjar ban ioh jingsumar ka paka.
Ki riewpaidbah ki lah wan ujor sha ka seng ba mynta ki shem shitom khamtam ki pynpaw ka jingsngewsih ba naduh ba shah pynkynriah kam uwei na ki Lab Technician bad ki buh jingeh kaba khraw namar une u Lab technician u long u ba kloi ban iarap iaki nongpang jong kane ka thaiñ hakano kano ka por ba donkam jingiarap .
Ha ka jingkren u u Publicity Secretary u Dapmain Suchiang u la ban jur ia ki bor bahalor ba dei peit iakane ka CHC ba kin pynneh ia u Lab Technician u ba ju don hakane ka CHC hospital lah slem ha kane namar ka sur u paidbah ka pyrshah jur iakane ka jingpynkynriah da ki nongmihkhmat jongkane ka thain tang ban pynsngewbha ialade.
Naka liang jong ka seng ka la ban jur ia ki bor ba halor ban bishar bniah iakane ka jingleh bymsngew tynnat jongka .Lada ki bor bahalor kim shim khia iakane ka seng kan shong pyrkhat bad ka la bynrap ruh ban pynbiang ia ki jingdonkam ka CHC kum ka X- ray bad ki dawai dashin.
