Shillong, Jymmang 23: Ka Dr H Gordon Roberts Hospital Shillong mynta ka sngi ka 23 Tarik U jymmang 2024 kala nangjam sha u wei pat u mawmer jong ka jingai jingshakri sha ki paidbah ha ka ba kala ioh ban plie ia ka Home Care Services ha ka jingialang ka ba ki la ioh ban pynlong hapoh jong ka Margaret E.Buckley Halljong kane ka Hospital.
Ia kane ka jingialang plie ia kane ka Home care Services la wan ban plie da u Rev S R Dkhar u ba dei u senior Administrative Secretary jong ka KJP Assembly u la long kum u kongsan ha kaba ia ka jingialang la pyniaid da u Dr R Nongrum Medical Superintendent jong kane ka Hospital.
La ioh ban pule na ka ktien u Blei bad buh ha ki jingduwai da ua Rev George W Chen, la ioh ia ka jingkren pdiang na I Sr Benneth Gympad,la ioh ia ki jingrwai kyrpang na ki staff of Emergency & Trauma Unit bad la ioh ia ki kyntien ai khublei na u bah K W Marbaniang u ba dei u Administrative officer jong kane ka Hospital.
Ha ba ai jingkren ha kane ka jingialang na ka liang u Rev S R Dkhar u la ong ba ka Dr H G Robert Hospital ka la dei kawei na ki Hospital ki ba la rim tam ha kane ka Jylla jong ngi bad kane ka Hospital ka dang ieng ha duh kine ki sngi ba mynta bad ka don ruh hapdeng ka jingpyniar jong ka ia ka jingshakri sha ki paidbah bad kine baroh ka dei lyngba ka jingkyrkhu jong u Blei ka ba la pynlong ia kane ka Hospital kumne kum ba ka long ha duh mynta.
U Rev SR Dkhar u la ong ruh ba kane ka Home Care service ka jingthmu jong ka ka long ban ai ka jingshakri sha ki paidbah khamtam ia kito ki ba la nohkamet ki baym lah shuh ban poi sha ki Hospital bad ki ba don kam ia ka jingsumar kumta kane ka jingthmu ka long ka ba donkam haduh kata kata kaba ngi baroh ngi don kam.
U la ong ruh ba u ai Khublei ia ka Governing Body jong kane ka Hospital kaba la pynioh ia kane ka jingthmu bad ban pynurlong noh iaka ha kane ka sngi ha kaba kanlong ka jingmyntoi ia ki para mynsiem.
Na ka liang ka Sr L Warbah ka ba dei ka Principal jong ka Dr HG Robert Hospital College of Nursing ka la ong ba na ka liang ka Hospital ka la angnud la bun bun snem ban don ia ka Home care Services bad dei ha une u snem ba mynta ki la lah ban pynurlong ia ki jingangnud jong ka Hospital.
Ka la ong ruh ba kane ka Hospital kala ai ia ka jingshakri ka ba 102 snem sha ki paidbah la ka long ki ba napoh ka Jylla ne ki ba na sha bar Ri ruh kumjuh.
Ka la ong ruh ba kumshi bynta ban ia ka jing shakri ka ba bha tam sha ki paidbah na ka liang ka Hospital ki la shim ia ka rai ban plie sa ia ka Home care service ha ka ba kane kan long ka jingkner ia ki kti jong ka jingsumar Shabar na ki kynroh jong ka Hospital da ka ba kin ioh ban leit ai jingsumar ia ki ba pang ba shitom ha ki iing ki sem jongki.
Ha kane ka jingialang ia wan ban ia don bynta da ki Nurse bad ki Doctor jong kane ka Hospital bad kumjuhruh ki nongialam shnong jong ki shnong ki ba na sor bad khap sor ruh kumjuh.
Na ka liang jong ki bor pyniaid ia kane ka hospital kala ioh ban pynlait ia ka kali kaba lah ban ai jingshakri sha ki paidbah bad ki paidbah ki lah ban phone ha u ne u number 8257007227 na ka bynta ka jingdon kam.
