Shillong, Rymphang 02: U Director General ki pulit u Dr. L R Bishnoi twitted ba ha kine ki 48 kynta jong ka jingtalasi ia ki kali kiba iaid ba ieng ki pulit kila ioh ban kurup T.29 lak tyngka ka pisa ki briew ha kylleng ki bynta jong ka jylla Meghalaya, ka jingkurup ia ka pisa ka long ba kila kit palat ia kaba la bidong.
Ki pulit kila ioh ban kurup ruh haduh 7.2 hajar litter ka kyiad na kiba la die beain ha kylleng ka jylla, kane ka jingkhynra ka long ban ialeh ban pynlong ia kane ka elekshon kaba iaid beit iaid ryntih ha kane ka por elekshon bad ha dien ka elekshon ruh.
Kane ka jingkhynra ki pulit ia ki kali ka long ha kylleng ki bynta jong ka jylla Meghalaya bad ki pynlong ruh ha ki jaka kaba ki briew kim poi pyrkhat, kane ka jingleh jong ki pulit ka long ban pynthikna ba ka elekshon ka dei ka ban iaid beit iaid ryntih bad ka pisa kam dei ban ioh lat ban pyndon kam ha ka elekshon.
