Shillong, Naitung 20: Ka tnad ka koit ka khiah jong ka sorkar jylla mynta ka sngi kala pyntip ba kiba la test COVID-19 positive haduh ka por 10 baje mynstep mynta ka sngi ki long 16 ngut ha East Khasi Hills District, na kine 13 ngut ki dei ki BSF bad lai ngut kiwei dei ki riew paidbah.
Katkum ka jingkhein kaba la don ka long ba ha ka jylla baroh kawei kiba shitom COVID-19 ki don 410 ngut, ha East Khasi Hills District ki long 356 ngut, ki shipai BSF ki long 278 ngut, kiwei 64 ngut bad na kiwei ki kynhun shipai ki long 14 ngut haduh mynta.
Ha kiwei ki District jong ka jylla, ha Ri Bhoi District 36 ngut, East Jiantia Hills 2 ngut, West Garo Hills 11 ngut, South West Garo Hills 1, South Garo Hills 2, East Garo Hills 1 bad North Garo Hills 1. Kiba khlad haduh mynta ki long saw bad kiba la koit kila kiew sha ka 52 ngut.
