Shillong, Nohprah 05: Mynta ka sngi ka tnad shna jingbam jong ka sorkar pdeng ka Ministry of Food Processing Industries (MoFPI) kala pdiang ia ka jingthmu ban pynlong ba kawei ka District kan thung tang u wei u marrep hapoh jong ka skhum “PM Formalisation of Micro Food Processing Enterprises Scheme”.
Na ka ki 713 tylli ki District ha ka Ri India na ki 35 tylli ki jylla bad ki Union Territory hapoh ka skhim PMFME ka long katkum ka jingai jingmynjur jong ki sorkar jylla kaba kynthup ia ki 137 tylli ki jait marrep
Lyngba ka digital ODOP GIS map kan pyni ia man ki District jong baroh 713 tylli ki District , na kine ki kynthup ia ki 216 tylli kiba hap hapoh jong ka Integrated Tribal Development Areas, 112 ki Aspirational districts, 35 Schedule Caste districts ha kaba 40 % ki nongshong shnong kid ei ki SC kumba la kdew ha ka GIS Map ban pynsuk ia kiba ioh ia ka jigniarap.
Haba phai sha ka jylla Meghalaya na ki 12 tylli ki District, kiba la paw kyrteng ki long 11 tylli ki District, kaba jah kyrteng ka dei ka Eastern West Khasi Hills District kaba khlem ioh ia katei ka skhim PMFME namar ba ka khlem paw kyrteng kane ka District.
Katkum ka skhim kawei ka District u wei u jingthung marrep, ka East Khasi Hills District kan thung ia u Sohiong, South West Khasi Hills ri Ngap, Ri Bhoi Sohtrun, East Jaintia Hills bad West Jaintia Hills thung Shyrmit, North Garo Hills thung kaid, East Garo Hills Sohtrun, South Garo Hills Sohphan, South West Garo Hills Sohtrun, West Khasi Hills Syieng, bad West Garo Hills Cashewnut based Products.
