Shillong, Lber 09: Ka All India Congress Committee (AICC) kan pynbna ia u kyrtong MP jong ka na ka 1-Shillong Parliamentary Seat ha ka sngi Balang lem bad kiwei kiwei ki kyrtong ha kane ka Ri India.
Katkum ki thymmei khubor kiba la ioh da u SP News Agency ki iathuh ba ka jingiaknieh ia ka tiket Congress na kane ka Shillong Parliamentary Seat ki don lai ngut ha dien ba kala rung biang ka kyrteng jongu bah John F Kharshiing mynta ka sngi.
Kumba ka long haduh mynta wat la ka election committee na ka MPCC kala kyntait ia ka kyrteng jong u Bah Vincent H Pala bad ia ka kyrteng jong u Bah John F Kharshiing, kala kham noh sha ka jong u Bah R V Lyngdoh hynrei na ka liang jong ka AICC ka dang bat ia kitei ki kyrteng jong u MP bad jong u bah John ha dien ba kala ioh ia ka sur jong u paidbah.
U Preisdent jong ka MPCC u Bah DD Lapang bad u Bah Prestone Tyngsong kiba la don ha Delhi ha kine ki sngi na ka bynta kane ka kam iano ban ai tiket na ka Shillong Parliamentry Seat kila wan phai bad ka jingpynbna ia ka kyrteng kan long ha ka 12 tarik mynta u bnai sngi Balang mano ban iohi.(SP News)
