Shillong, Rymphang 19: Ha KHADC saw ngut ki MDC Congress shen kin sa leit banpyniasoh bad ka party NPP, na ki saw ngut kiba la thikin ki Ha ka sngi ba ar ka party NPP kala pynkhreh ban pdiang burom ia saw ngut ki MDC Congress jong ka KHADC sha ka party, ka jingpdiang burom kan long ha ophis ha Lachumiere.
Na ki saw ngut ki MDC kiba la thikna dei u Fantin Joseph Lakadong na ka party Congress, kong Macdalyne Sawkmie Mawlong na ka PDF, katba ar ngut kiwei pat ki MDC na ka party Congress ka jingiakren ka dang iaid.
Ynda ki saw ngut ki MDC ha KHADC kin leit ban pyniasoh sha ka party NPP, ka jingdon ki MDC ka party NPP kan kiew sha ka 12 ngut, kiba jop ha ka ielskhon na ka party ki long 7 ngut, ka jingwan pyniasoh u bah Lamphrang Blah kala kiew sha ka 8 ngut bad ynda pyniasoh sa saw ngut ka NPP kan don noh 12 ngut ki MDC ha ka iing dorbar kaba 30 ngut.
Ki thymmei khubor kiba ia jan bad ka party NPP ki iathuh ba ka jingpiang burom ia kitei ki saw ngut ki MDC sha ka party NPP kan long ha kane ka taiew ban wan, ka jingiakren ka dang iaid ban buh ia ka sngi lano ban pdiang burom ia kitei ki MDC.
