Shillong, Rymphang 19: Mynta ka sngi ka seng Ka Hynniewtrep Tourists Taxi Association bad ka Meghalaya People Labour Union kila ia kynduh ka Additional Deputy Commissioner jong ka Ri Bhoi District ban ia kren halor ki jingeh kiba la mih hapoh jong ki jaka khrong pisa ha ki khyrdop jong ka surok bah.
Ha kane ka jingiakynduh kila pynsngew sha ka ADC ka kong D Phawa ba kumno ka NHAI ka khlem pyntip ba ia ka “Free Fasttag” kaba la pynbna naduh ka 15 tarik mynta u bnai ka NHAI ka khlem pyntip paidbah ha kine ki sngi ka dang pyntip haduh mynta ka sngi. Na ka liang jong kitei ki ar tylli ki seng kila buh ka jingkylli hato lah ban lah hapoh kine ki 10 sngi.
U bah Kordor L Mawlong president ka HTTA kala ong ba kin ap haduh ka 29 tarik mynta u bnai bad lada kam lah ka NHAI kin hap ban ia shong pyrkhat biang halor kane ka kam, ha kane ka jingiakren na ka liang jong ka ADC kala ong ban ialeh ban pynsuk ia ki paidbah bad kala ong ba ka NHAI ka dei ban pyndep noh ia ka jingshna na ka bynta ban rung san tylli ki kali ha ka juh ka por ban suk ki paidbah.
Haba ia dei bad ka jingsniew jong ka kor ba dei ban pyniaid ia ka “Fasttag” u Project Director ka NHAI u SK Verma u la iathuh ba haduh mynta kila don kumba 300 tylli ki kali kiba la shah khrong tam bad u la kular ban siew noh ia kane ka pisa sha kito ki kali kiba la shah khrong tam na ka daw jong ka jingsniew ka kor “Fasttag”.
Na ka liang jong ki nongialam jong ka HTTA kila pynpaw ruh ba ka jingshim ba khyrdop T.75 tyngka por leit bad T.75 tyngka por wan kane kala kah ia ki paidbah kiba leit ba wan. Ha ka juh ka por ha kane ka jingiakynduh mynta ka sngi kila ong ba ka NHAI ka dei ban husiar na ka jingkren ia ki ktin khlem akor ia ki nongniah kali.
