Shillong, Risaw 27: U myntri rangbah ka jylla u Conrad K Sangma bad u myntri kam pynroi sor u bah Sniawbhalang Dhar mynta ka sngi ki leit ban jurip ia ki ar tylli ki jaka ka Mawpdang, Mawkasiang, Mawdiangdiang bad Mawpat, ban peit la ka long ne em ban pynkynriah ia ka Secretariat sh katei ka jaka.
U Myntri Rangbah la ong ba haba kila leit ban jurip ki don ar tylli ki lat ha khmat jong ki, kawei ka dei ka Mawpdang bad kawei ka Mawkasiang bad mynta na kine ki ar tylli ki jaka kin bishar kano kaba kham biang ba ki paidbah ka jylla kin suk.
U mytnri Rangbah la ong ba ha kane ka jaka kaba ha Mawdiangdiang ia ka jaka la pharia sha ki tnad sorkar bapher bapher, kumta la don kam ban pynbeit biang da kane ka jingiapynbeit biang yn ioh sa kubma 220 akar jaka bad kane kan long kaba biang ban shna ia ka Secretariat bad kiwei ki ophis ba don kam bad ki jaka sah.
Ha ka juh ka por kiwei ki ophis pat kin shna sha Mawpdang kumba kila dep ban pynkhreh kane ka jingbishar bniah ka dang iaid ha kaba u myntri kam pynroisor u bah Sniawbhalang Dhar,Chief Secretary la wan lang bad kiwei ki ophisar.
Kumba ka paw kane ka long kaba biang bad ka jaka ruh kam pat jngai na ka nongbah Shillong, kan suk ia ki paidbah ruh bad kin hap ban shna ia ki surok kiba thymmai bad ki don ka jingsngew skhem ba ia ka Secretariat ba thymmai yn rah sha Mawdiangdiang.
U Myntri Rangbah la ong ba kin dang iai bteng ia ka jingiakren bad kin sa rah ia kane ka phang sha ka kabinet bad kyrmen skhem ba kin sa lah ban shim ia ka rai kane ka jingleit jong ki sha katei ka jaka ban jurip ka long ban sngewthuh bha namar ha kine ki taiew ban wan kin sa shim ia ka rai ha ka jingialang kabinet.
