Shillong, Lber 18: u Director ka NEIAH, u Dr. pradip kumar Goswami u la ong ba kane ka ja ka ai jingsumar kala dap saw snemtam bad ki dangialeh ba kiew dei na kane ka khlam COVID-19 kila ia kynduh shibun ki jingeh bad kane ka jingiakynduh mynta ka sngi ka long ban pyntip ba kin sdang biang ia ki kam sumar briew ba man ka sngi.
Kumba ka long ia ka hospital la pyndon kam kum ka ja ka sumar COVID-19, dei naduh ka 1/3/2021 mynta u bnai ba kila sdang biang ban ai dawai.
Ha kane ka jaka ki don ki samla ba pule doktor, ha ka jingsumar na ki dawai kynbat, ha u snem 2018 kila sdang ia ka jinghikai ba shisnem bad
bun kiba la pass kila ioh kam.
Mynta ha kane ka jaka pule ki don 523 ngut ki samla pule bad na kine 350 ki dei na North East bad 120 ki dei na Meghalaya bad ka kynhun pule ba nyngkong kin thoh ia ka phainal ekdam ha u bnai Iaiong bad Jymmang mynta u snem bad kine kin sa long ki doktor ba pura.
Ha u snem bala dep la khang na ka daw ka khlam COVID-19 bad mynta kila sdang ban trei kam bad ha u bnai Jylliew mynta u snem kan sa trei kam pura.
La ong ba ha ki snem ban wan yn kyntiew sha ka skul bah bad mynta la pynkiew ruh ia jingpynrung ia ki samla pule ha kane ka jaka sumar.
