Ha Meghalaya ka don tang 71 tylli ki College, don kam ia ki riew shimet ban ia don kti lang

Shillong, Nailar 15: Haba ia dei bad ka pule puthi u myntri rangbah ka jylla u Conrad K Sangma u la ong ba kane ka sorkar MDA kala shim khia bha ia kane ka bynta bad u la ong ba ki samla pule ha ka Secondary schools ki don 1,04,727 bad ha ka Higher Secondary schools ki don  54,739. Hynrei ki briew kiba don ha pdeng ka rta 15-19 snem ki long 4,03,675.

Na kane ka jingkhien ka pynishai ba ka don shibun ka jingiapher ha ka jingdon ki samla pule bad ki skul. Ban weng ia kane ka jingeh ka sorkar jylla kan sdang noh ia ki Ekalavya Model Residential Schools (EMRS) ha baroh ki Block ha ka jylla bad ka jingtei ia kine ki skul na ka bynta kawei kawei ka jinglut kan long haduh T.24 klur tyngka bad kawei ka skul kan ngiam haduh 480 ngut ki samla pule. Ia mynta la dep ban ioh sangtion 11 tylli bad sa 25 tylli yn ioh sangtion mynta u snem.

Ha ka jylla baroh kawei ki College ki don tang 71 tylli katba ki samla pule ki don haduh  67,352,  katba ki samla kiba dang don ha ka rta ban dang hap pule ki don haduh  3,85,878.  Ban pynbiang ia kane ka sorkar kan dang plie shuh ia ki college, dei na kane ka daw ba ka sorkar kala ai sangtion ban plie ia ka College ha Patharkhmah, Ribhoi bad Rongjeng, East Garo Hills.

Na ka liang jong ka sorkar ka kwah ban kyntu ia ki riew shimet ba kin wan sha khmat na ka bynta ban ia shim bynta lang ha kaba seng ia ki skul bad ki college, ka sorkar kan ai jingiarap ban tei ia ki skul, college bad ka sorkar kan siew na ka bynta ban pyniaid ia ki. Ka sorkar kala buh khyndait tylli ki college ia kiba la tip kum ki “brown field community colleges”.

Haba phai sha ka koit ka khiah u myntri rangbah mynta ka sngi ha ka jingkren jong u ha Madan Polo ban rakhe ia ka sngi Laitluid kaba 73rd jong ka u la pynbna paidbah bay n pynlut ka sorkar T.20 klur tyngka ban shna ia ki jaka buh dawai ha baroh ki District ha ka jylla. La ong kumba ka long mynta na man ka 1000 ngut ka jingiap ki briew ka long 197 ngut bad ka sorkar kala buh ia ka thong hapoh kine ki lai snem kan pynduna ia kane ka jingiap.

La iathuh ba ka jylla mynta ka dong tang 436 ki government doctors ha ka jylla baroh kawei , kumba ka long ha ka pule puthi, ha ka koit ka khiah ruh ka sorkar ka kyntu ia ki riew shimet ba kin wan sha khmat ban ia snoh kti lang bad ka sorkar. Kumba ka long mynta kumba 22 tylli ki jaka ai jingsumar jong ka sorkar 7 tylli na ki la hap ban ia treilang bad ki riew shimet. Ban pynioh dawai ei ha ki jaka sumar jong ka sorkar la mang pisa T. 66 klur tban thied dawai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet