Shillong, Nailur 20: U Bah Paul Lyngdoh Myntri ba dei peit ia ka tnad Social Welafre haba jubab ia ka jingkylli jong ka Miani D Shira u la pyntip hapoh ka iing dorbar ba ki dng don 1500 tylli ki shnong hapoh ka jylla Meghalaya kiba khlem pat don ia ki Anganwadi.
U myntri u la pyntip shuh shuh hapoh ka iing dorbar ba ki don shibun ki aplikoshon ban buh ia ki jaka Anganwadi ha ki shnong ki thaw, na ka bynta ka jingmyntoi ki khynnah ka sorkar kala pyntrei kam ruh ia ka skhim kaba la tip kum ka Early Child Development Mission (ECDM).
Haba jubab ia ki jingkylli bynrap na ka liang jong u myntri u la iathuh ba hapoh kine ki lai bnai u la leit kylleng ki jaka ban jurip bad u la buh ha ka u bnai Risaw un khot ia ka jingialang ban ia kren halor kane ka phang kumno ban pynbha ia kine ki jaka sam jingbam ia ki khynnah.
Haba jubab ia ki jingkylli bynrap bala buh da kiwei ki MLA, u myntri u la jubab ba ka sorkar kan ialeh ban pynbha ia kine ki jaka sam shna hapoh kine ki ar snem ne tam, ka jingkhot ia ka jingialang ka long ban ia sngewthuh kumno ban iaid sha khmat.
Haba ia dei bad ka jingiaid beit ka jingtrei kam ka sorkar kala dep ban sam ia ki Smart Phone sha ki katto katne ki jaka ban bha ia ka jingtreikam, la ong ba shen kin sa khot ia ka jingtyrwa mano ba kwah ban supply ia ki tiar Educational kits ban sam sha baroh ki jaka sam jingbam.
Haba ia dei bad ka jingai ia ki khiew shet da ka light, hynrei ki jaka sam shna kim don light ka sorkar ban pynioh ia ka light lyngba ka skhim na ka Solar Power, ia ki jaka bym don um la ong ba lyngba ka JJM yn sa pynioh ia ka um.
