Shillong, Nohprah 16: Katkum ka khana samri jong u snem 2011 ka jylla Meghalaya ka don 29,66,899 ngut ki paidbah nongshong shnong ha kane ka jylla bad tang kito kiba la palat ia ka 60 snem shaneg ki don tang 1,38,902 ngut bad lada khein ha ka percentage ka long tang 4.7pc na ka jingdon ki paidbah nongshong shnong.
Na ka liang jong ka sorkar pdeng kala buh bun ki lad ki lynti kumno ban iarap ia kine ki nongshong shnong kiba la kynjoh sha ka rta kaba 60 snem shaneng la ka long ha ka jingioh jingsumar shukher ha ka dawai dashin lane wat ka jingai jingiarap ia ki namar ba kim dong nongpeit nongsumar.
Ka sorkar pdeng kala bethah ia baroh ki sorkar jylla ba kin peit kyrpang ia kine ki nroew kiba la rangbah ka rta ha ki ba bun ki liang, na ka bynta ka jingbit ka jingbiang ka jong ki ha ka jinglong tynmen ka jong ki. Haba shim kyllum ha ka Ri India baroh kawei na ka 103.84 million ngut kiba la kynjah ia ka 60 snem shaneng ki don tang 8.65 Pc.
