Shillong, Kyllalyngkot 16: U Myntri Ragbah ka jylla u Conrad K Sangma mynta ka sngi u la pyntip ba ka sorkar pdeng kala ai ia ka jingmynjur ia ki saw tylli ki applikoshon ban tih dewiong, ki saw tylli ki aplikoshon kiba la pdiang ki long Kalagaw Block, Nehlang Block, Pyndengshahlang Block bad ka Saryngkham Block.
U myntri Ragbah ka jylla la ong baduh u snem 2014 ba khang tih dewiong ka sorkar ha katei ka por kams hym leh ei ei ban pynlait ia kane ka jingkhang tih dewiong ha ka jylla, dei ha u snem 2018 ynda ki wan ban shimti ia ka sorkar kila mudui sha Supreme Court bad ka iing bishar kaba ha khlieh duh ka Ri India kala ai ia ka jingithuh ba ki trai khyndew kin long trai ia ki mar ba hapoh khydnew bad ha jong ka khyndew.
Ka iing bishar kaba ha khlieh duh jong ka Ri India kala shah ban tih dewiong biang ha kane ka jylla, hynrei ka jingshisha kam dei shuh ha kato ka juk kaba mynshuwa, hynrei hap ban tih katkum ka juk stad kaba mynta, katkum ki kyndon kiba la thaw da ka sorkar pdeng bad ka sorkar jylla.
U Myntri Rangbah la iathuh ba ha dien ba ka iing bishar kala shah biang tih dewiong katkum kane ka juk kaba mynta, haduh mynta kila don 17 tylli ki aplikoshon ba pan jingbit ban tih dewiong bad kitei ki saw tylli kiba la ioh jingbit ha dien ba kila dep ban phah ia ka kaiphot bad ka jingdon u dewiong.
U Myntri rangbah la ong ba kiwei ki aplikoshon kiba dang sah ruh kin sa ioh ban tih dewiong ynda la dep ban peit bniah ia ki kaiphot ba kila phah ia ka jingdon u dewiong haka jaka kaba ki pan.
U Myntri Rangbah u la ong ba ka dei ka jingshisha ba kila don kiba la kwah ba ka sorkar kan pynduna ia ka jingeh ka jaka na ka bynta ka jingbit kiba rit baria ba don ia ki par dewiong namar katkum ki kyndon kiba lah ban apply ban tih dewiong ki dei ban don ka jaka 100 akar.
Halor katei u myntri rangbah la ong ba ia ki kyndon la shna lang da ka sorkar jylla bad ka sorkar pdeng, lada pynkylla noh mynta kan shim ia ka por, kumta ia mynta ai ki kyndon kiba la dep ban shna kin neh bad ha dien bala sdang ka jingtih dewiong kin sa ia kren biang bad ka sorkar pdeng.
