Ha poh artaiew shah leh beijot saw ngut ki kynthei kyntup ka khynnah, kem ki pulit saw ngut

Shillong,  Kyllalyngkot 19: Hapoh kane ar taiew naduh ka 8 tarik haduh ka 19 tarik mynta u bnai Kyllalyngkot 2017, ki pulit ka jylla kila ioh saw tylli ki jingujoar ha kaba ia dei bad ki kam leh beijot, ha ki jaka bapher bapher ha kane ka jylla Meghalaya.

Ki pulit jong ka Ri Bhoi kila ioh ia ka jingujor na u Bah Lasting Markhap bad ka kurim jong u ba ha ka 13 tarik mynta u bnai u draibar Auto bad ar ngut ki paralok jong u kila leh beijot ia ka khun ksiew jong ki kaba 21 snem ka rta hapoh ka shnong Nongtraw hapoh jong ka Ri Bhoi District.

Haba ia dei bad kane ka jingjia na ka liang jong ki pulit ka Ri Bhoi District, kaba hap hapoh jong ka  Umiam Police station,kila kem ia ki lai ngut ki briew kiba la tip kyrteng kum u  Kyrshan Lyngdoh Marbaniang, u  Meljohn Ramshon bad u  Ropsing Nongpluh.

Ha katei ka juh ka sngi kawei ka kynthei kala ai ka jingujor ba u Bah  Longborn Thongni, u la leh beijot ia ka ar sien lynter ha ki ar tylli ki jaka, ha ka 19^th Naiwieng 2016 u la leh beijot ia ka ha ka jaka ba la tip kum ka  Pyndensohsham bad ha ka 13^th Kyllalyngkot 2017, u tei u juh u briew u la leh baijot ia ka ha Umpung kaba hap hapoh jong ka Ranikor Police station jong ka  South West Khasi Hills District, la ong ba une u nongleh ia kane ka kam sniew u la byrngem ia ka bad ki pulit kila kem ia une u nongleh kam sniew.

Kawei pat ka long kmie kaba la 45 snem ka rta kala u jor sha ki pulit ba ha ka 16^th Kyllalyngkot 2017, ha ka por kumba ar baje nohphai sngi u wei u briew u ba la ithuh kum u  Songing, u la shoh la dat ia ka bad ynda u la dep ban shoh ban dat ia ka u sa leh ia ka kam beijot kane kala jia ha ka shnong  Bilselgre ha  North Garo Hills District, ki pulit ki dang thwet ia u ban kem.

Ha kawei pat ka jingjia kawei ka long kmie kala ujor sha ki pulit ba u Bah Starius Iawphniaw, u la leh beijot ia ka khun jong ka kaba dang 13 snem ka rta ar sien, ha ka 8^th Kyllalyngkot 2017, u la leh ia kane ka kam sniew ha iing jong ka ha ka shnong Mawsynrang, ha ka 13^th Kyllalyngjot 2017, ha ka por mynstep pat u la rah ia ka khun jong ka  sha iing jong u ha ka shnong Mawsaw bad leh ia kane ka juh ka kam leh beijot, na ka jong ki pulit mynta ki dang thwet ia u ban kem.