Shillong, Naiwieng 20: Ka Ri India baroh kawei kala iaid ha khmat ban pynduh pyndam ia ka jingpang TB na poh ka ri, ka ophis jng u District TB Office, Ri Bhoi District hapoh ka jingialam jong u Dr. E. Kalwing la pynshong ia ka jingai jinghikai hapoh Civil Hospital Nongpoh kumno ban iada na kane ka jingpang.
Ha kane ka sngi la sam ruh ia ki jingbam sha ki 77 ngut kib don ia kane ka jingpang TB kiba la shim jingkit khlieh da ka Nikshay Mitra, kiba shitom baroh kiba dang shah sumar hapoh ka District ki don 250 ngut.
U Dr. E, Kalwing ba dei u District TB Officer, Ri Bhoi Districtu la pynshai paidbah ia kane ka jingpang Tuberculosis bd kumno ka ktah ia ka imlang sah lang namar ia kane ka jingpang la thaw na ki khniang jingpangm ha ki tor bad kane ka jingpang ka saphriang lyngba ka lyer, haba jyrhoh, synriah bad biah.
Ki dak ki shin jong kane ka jingpang ki long ka jingjyrhoh kaba neh bun taiew la kumno kumno lai taiew, ka jingpang shadem, ka jingtlot ne thait, hiar ka jingkhia thew, ka jingshet met bad ka jingsyep ha ka por miet.
Kala pynshai paidbah ruh ha kane ka jingialang paidbah ba kumno ban shem ia kiba don ia kane ka jingpang, don kam ban ia phylliew jingmut bad kiba shitom ba dkumno ban ia da ia kane ka jingpang da ka jingiatreilang na baroh ki liang ha ka imlang sahlang.
Na ki 250 ngut kib la ioh ia ka jingkyrshan ban sumar iaki ki long tang 77 ngut bad kiba dang sah 173 ngut ki dang don kam ia ka jingkyrshan jong ki briew
