Shillong, Jylliew 26: Ka Executive Committee kaba la ialam da u bah Thombor Shiwat kum u Chief Executive Member jong ka Jaintia Hills Autonomous District Council kan khot ia ka jingiashong dorbar ha ka 10th Naitung 2023 bad kawei na ki mat iakren kan long ban shim ia ka rai ban pyrshah ia ka jingpyntreikam ia ka Uniform Civil Code.
Haba kren ha u SP News Agency u la ong ba kila khot ban pynlong ia ka jingiashong dorbar ha ka 10th Naitung 2023 bad kawei na ki mat ban ia kren ka long ban shim ia ka rai ban pyrshah ia ka jingthmu ban pyntreikam ia ka Uniform Civil Code ha kane ka Ri India da ka sorkar pdeng.
Lah ban pynkynmaw ba ka Executive Committee kaba thymmai kaba la shimti daka NPP hapoh jong ka KHADC, u bah Pyniaid kumu CEM u la wan rah ia ka rai ban pyrshah ia ka jingthmu ban pyntrei kam ia ka UCC bad ka iing dorbar kala mynjur.
