Shillong, Nailur 29: Ka Deputy Commissioner jong ka East Khasi Hills District kala ong ban peit ia ka dor bai shong kali ka dei ka kam jong u District Transport Ophisar ban peit ia kane ka bynta ha kaba ia dei bad ka jingshim ia ka bai kali jong ki nongleit nongwan.
Ka Deputy Commissioner, kala ong ba kan sa shim ia kane ka kam ban ia kren bad ban pynbeit thymmai ia ka dor ka mur jong ka bai kali bad kibor ba halor ban ia pyrkhat ia kane ka dor bai ka li namar ba la kham pynjynsur ha kaba thep nongleit nongwan.
Kane ka jingkren ka DC ka long halor ka jingkylli kaba la buh la ki bor jong ka District kin leh kumno ha kaba ia dei bad ka dor bai shong kali ha dien bala kham pynjynsur ia ka jingkit briew ha ki kali kamai.
Kum ba ka liang ki kali kamai JNNURM ki kit briew ha ki kali la kumba ka khlam COVID-19 kam don shuh, ki taxi kila kit saw ngut hynrei ka dor bai kali ki shim ka juh la kum ha ka por ba ka dang jyllei ka jingpang COVID-19.
Ka jingud jong ki paidbah ka long ba, na Motphran sha IGP ki don ki Taxi kiba shim T.20 tyngka, don kiba shim T.30 tyngka, na Motphran ha jingkieng Mawlai GS Road don kiba T.20 tyngka bad don kiba shim T.30 tyngka, ki dang don bun shuh kitei ki long tang ki nuksa ia ka rukom shim bai kali.
